Jonida Maliqi, këngëtarja e 2-t më e votuar në “Eurosong”


IZRAEL

Eurovizioni i sivjetshëm është shumë afër dhe në të performojnë shumë këngëtare solo. Vitin e kaluar kanë qenë 16 këngëtare që performonin vetëm në skenë, ndërsa këtë vit janë 14, shkruan blogu dedikuar muzikës europiane, “Wiwiblogs”.

Këngëtaret e këtij viti performojnë këngë të shkëlqyera, nga ato të lirikave të dashurisë, deri te baladat, me historitë e vendeve të tyre. Për të matur faktin se cila është këngëtarja më e preferuar, “Wiwiblogs” ka bërë edhe një sondazh.

Ky sondazh mbyllet, pak përpara provave të para në maj.

kengetaret1-600x450.jpg

Sipas rezultateve të deritanishme, në vendin e parë është këngëtarja që përfaqëson Greqinë Katerine Duska me 20.55% të votave, më pas vjen Jonida Maliqi me 12.59% të votave, Tamta me 11.86 përqind etj. Këngëtarja serbe Nevena Bozovic renditet me 5.86% të votave.

Lista me këngëtaret që performojnë “solo” në “Eurosong 2019”:

Shqipëria – Jonida Maliqi – “Ktheju Tokës”

Armenia – Srbuk – “Ecja jashtë”

Australi – Kate Miller-Heidke – “Zero Gravity”

Austri – Paenda – “Kufijtë”

Bjellorusi – ZENA – “Like It”

Qipro – Tamta – “Replay”

Danimarkë – Leonora – “Dashuria është përgjithmonë”

Greqi – Katerina Dushka – “Dashuria më e mirë”

Irlandë – Sarah McTernan – “22”

Maltë – Michela – “Kameleon”

Moldavia – Anna Odobescu – “Qëndro”

Maqedonia e Veriut – Tamara Todevska – “Krenare”

Rumani – Ester bozhure – “Në një të diel”

Serbi – Nevena Bozovic – “Kruna”

(Dionis Xhafa/ Balkanweb)

 

 

Advertisements

Tragjedi greke/ Nëna hedh vajzën 4 vjeçe nga kati i pestë, më pas “fluturon” edhe vetë


Një ngjarje shokuese ka tronditur Athinën në Greqi. Një grua hodhi vajzën e saj të vogël nga ballkoni i katit të pestë, duke e lënë vogëlushen të vdekur. Ngjarja e rëndë ndodhi këtë pasdite rreth orës 16:30 në Prokopiou Katsantoni Street 10. Kyriaki Tsortanidou, 42 vjeçe dhe vajza e saj e vogël vetëm 4 vjeçe Fotini Spyridaki  u transportuan nga ambulanca në spitalet Gennimata dhe Aglaia Kyriakou, por se atje gjetën vdekjen, shkruan media greke “Zougla”.

Banorët janë shprehur se nëna hodhi fillimisht foshnjën, kurse më pas mori një karrige dhe u vetëhodh, duke gjetur vdekjen edhe vetë. Ajo kreu vetëvrasjen, duke rënë nga kati i pestë. Raportet paraprake flasin për një rëndim psikologjik të gruas. Ajo ishte e martuar dhe burri i saj ishte larguar nga banesa disa minuta përpara se të ndodhte ngjarja e kobshme. Fqinjët thanë se janë të shokuar për atë që kanë parë.

Sipas fqinjëve, gruaja u vetëhodh nga kati i pestë, edhe pse ata i ishin lutur të mos e bënte këtë gjë. Një banor në katin e parë të pallatit përshkroi ngjarjen tronditëse. Ai u shpreh se nëna dhe vajza ishin mbuluar me gjak dhe nuk kishin asnjë shans shpëtimi. Skena tragjike u pa dhe nga kalimtarë të rastit, kurse menjëherë në vendngjarje erdhi policia dhe ambulancat. Grupi hetimor po punon për të zbardhur totalisht ngjarjen. /Dionis Xhafa/

 

 

 

Reuters shkruan për Klement Balilin: Kapet “Zoti i drogës” në Shqipëri


dionis xhafa1

Dionis Xhafa

Vetëdorëzimi i Klement Balilit ka qenë një lajm i bujshëm jo vetëm për mediat në Shqipëri, por edhe për ato në rajon e në botë. Kështu, mediat më të rëndësishme ndërkombëtare kanë shkruar për dorëzimin e tij. Për të dhe çështjen e tij, ka shkruar ndër të tjera edhe prestigjiozja “Reuters”, që mbulon ngjarje me rëndësi nga mbarë globi.

Kjo media ndër të tjera shkruan: “Një nga trafikantët më të kërkuar të drogës në Shqipëri u dorëzua në polici të martën pas pothuajse tre vjetëve, pasi akuzohej prej autoriteteve shqiptare për kontrabandë të narkotikëve nga Greqia fqinje”. Klement Balili kishte shmangur kapjen që nga maji i vitit 2016, falë rrjetit të tij të mbështetjes në zonën jugore bregdetare të Sarandës dhe lidhjeve të dyshuara politike, duke hedhur dyshime mbi vendosmërinë e Shqipërisë për devotshmërinë në luftimin e bosëve të mëdhenj të krimit. Në shkurt të vitit 2017, presioni i aleatëve të saj perëndimor e detyroi Shqipërinë që të thërriste këshillin e saj të sigurisë për të bërë të mundur identifikimin e aktivitetit të Balilit, pasi rrjeti i tij i drogës më tutje kishte gjetur përhapje edhe në vende fqinje, por edhe në shtete aleate të NATO-s”.

Në shkrim nënvizohet se Sandër Lleshaj, ministër i Brendshëm i Shqipërisë tha se Balili u dorëzua dhe e konsideroi një “hap të mirë të policisë”. I pyetur se çfarë ka kërkuar Balili në shkëmbim, Lleshaj tha: “Ai kërkoi një proces të drejtë ligjor”. Ish-ambasadori amerikan në Tiranë Donald Lu shpesh në thirrjet e tij publike kishte deklaruar se Balili ishte një element që duhej vënë përpara drejtësisë. Balili ka mohuar çdo keqbërje të mundshme, edhe pse ishte vënë nën akuzë për kontrabandimin të 700 kilogramë kanabis në Greqi. Avokati i Balilit, Theodhori Sollaku tha se provat ndaj Balilit ishin të dyshimta. Balili, 48 vjeç ka qenë më herët edhe drejtor i Drejtorisë së Transporteve në Sarandë. Aty ai ka ngritur një hotel luksoz. Në artikull thuhet se Balili dyshohet se kishte lidhje politike në vend.

Për vetëdorëzimin e Klement Balilit, quajtur ndryshe edhe “Zot i drogës” kanë shkruar një sërë mediash ndërkombëtare, të cilat shprehen se Shqipëria ka tashmë në duar një person të akuzuar për trafik ndërkombëtar droge, por se vetë ai (Balili) ka mohuar akuzat kundër tij.

 

Cosa Nostra kalon momentet më të vështira të saj në histori?


dionis xhafa3

Dionis Xhafa

Javën e kaluar u arrestua Settimino Mineo, trashëgimtar i Toto Rina, një person i cili ka qenë shumë i pushtetshëm brenda mafies siciliane “Cosa Nostra”. Arrestimi i Mineos është një goditje për krimin e organizuar në Itali, sidomos bandat siciliane kriminale., e cila po përjeton ndër momentet më të vështira në 100-vjeçarin e saj të ekzistencës. Këtë gjë e ka shpjeguar shefi i antimafies italiane për median AFP. “Cosa Nostra aktualisht po përjeton ndër momentet më të vështira të saj”, tha shefi i antimafies në një dalje publike të karabinierisë së Italisë.

Eksperti shprehet se mafia siciliane “Cosa Nostra” më së shumti mbështetej në aktivitetin e trafikut të drogës në Sicili dhe se si aleat ka pasur “Ndraghetan”, e cila është më e gjerë si mafia, duke pasur rrënjë brenda dhe jashtë territorit italian. Policia italiane ndërmori një aksion të madh dhe arrestoi 46 vetë, anëtarë të dyshuar të “Cosa Nostras”. Operacioni vjen kur vdiq shefi i madh Toto Rina, vitin e kaluar. Mineo ishte pasardhës i Riinas, një argjendar fillimisht dhe tashmë është plot 80 vjeç. Mineo ishte i njohur për besnikërinë e tij ndaj “Cosa Nostras”.

Arrestimi i tij është bërë në momentin që do të zhvillohej një takim sekret i udhëheqjes së organizatës më 29 maj, e se në këtë takim do të kishte rregulla të reja, sikundër edhe do të përpiqeshin të shuheshin konfliktet dhe mosmarrëveshjet që ekzistojnë ndërmjet familjeve të bandës. Sipas ekspertit Giuseppe Governale, drejtor i Drejtorisë së Hulumtuese Anti-Mafia (ASD), ky ishte takimi i parë në 25 vjet, që do të thotë pas arrestimit të Riinas më 1993, një lider i mafies i padiskutueshëm, që edhe nga qelia ka drejtuar grupimin e se jepte urdhëra për trafik droge dhe për lojërat e kumarit online.

Corleone kundër Palermos

“Settimo Mineo është udhëheqës i rreth pesëmbëdhjetë klaneve mafioze në provincën e Palermos, secila prej të cilave shkon dy deri në katër familje. Katër sponsorë të tjerë u arrestuan së bashku me disa kapo familjesh”, ka thënë eksperti. Ai shton se ky ishte operacion fort me rëndësi. Prokurori kombëtar i Italisë antimafia Federico De Raho, tha se Mineo u zgjodh “koka” e Cosa Nostras në mbledhje, për shkak se ai cilësohej një “gardian i vjetër i grupimit”, një figurë diplomatike që ka qenë gjithmonë në rolin e ndërmjetësit, kështu që nuk do të kishte më luftë për pushtet brenda organizatës.

Ekspertët shpjegojnë se duhej organizim pas mbretërimit të gjatë të Riinas, lindur në Corleone, qytet i vogël 60 kilometra larg Palermos dhe se ai kishte për drejtim klane të fuqishme siciliane. Governale tha se palermonezët ishin irrituar që “Cosa Nostra” po udhëhiqej prej një korelonezi, për shkak se gjithmonë drejtohej nga ana e atyre që ishin prej Palermos e se disa prej anëtarëve nga Palermo ishin larguar në atë kohë dhe tashmë mund të kthehen prapë. Drejtues kishin qenë Luciano Liggio pastaj erdhën dishepujt e tij, Toto Riina dhe Bernardo Provenzano”. “Këta persona ishin të etur për pushtet dhe se për të pasur sa më tepër fuqi ishin gati të bënin gjithçka. Ata bënë një drejtim të përgjakshëm, mund të themi”, sqaroi eksperti. Ai thotë se fakti se disa mafiozë ishin nga Korleone dhe se ata po mbanin drejtimin ishte thuajse e pabesueshme, në disa raste edhe nga vetë ata që ishin nga Palermo.

Autoritetet italiane janë habitur se mafia në mbledhje kishte vendosur që në krye të ishte Mineo, pasi të gjithë mendonin se kryetar do të zgjidhej  Matteo Messina Denaro, 56 vjeç, në arrati për më shumë se 20 vjet. Denaro duket se nuk mund të konsiderohet më shef i grupit mafioz dhe se ndriçimi i dikurshëm i Cosa Nostras ka rënë vërtetë ndjeshëm.

 

 

 

Rasti Gruevski ose tradhtia e madhe ndaj shqiptarëve


dionis3

Dionis Xhafa

Për më shumë se 10 vjet në krye të shtetit, kryeministër i vendit, Nikolla Gruevski, armik i fshehtë dhe herë i hapur i shqiptarëve në Maqedoni, pasi nuk i ka hyrë gjëmb në këmbë pas një sërë problematikash që ka pasur shteti maqedonas, më në fund ka nisur të ketë krisje dhe drejtësi edhe për shtetarët.

Ai u dënua me 2 vjet heqje lirie për një prej proceseve të tij gjyqësore, kurse kundër emrit Nikolla Gruevski, shtetas i Republikës së Maqedonisë janë në proces një sërë gjyqesh. Në një shkrim të mediave ndërkombëtare thuhej se Gruevski madje rrezikon deri burgim të përjetshëm, për veprat e kryera tinëzisht ose hapur gjatë kohës që ka qenë në pushtet. Veprat penale të cilat ai ka shkelur tashmë ose që janë të dyshuara se i ka shkelur në tërësi kanë të bëjnë me korrupsionin, edhe këtë galopant.

Gruevski ka dyshime si lider politik. Në kohën që ai ka qenë në krye të shtetit kanë ndodhur një sërë ngjarjesh e gjyqesh shumë të dyshimta, duke nisur nga vrasje apo ngjarje të dyshuara se janë politike, e deri te “Kumanova”, e fundit në radhë ku kishte dyshime të forta për skenare apo edhe parregullësi ndaj atyre që janë dënuar me burgime përjetë apo dënime të tjera. Sikur të anashkalohet tërësisht procesi gjyqësor, edhe vetë kushtet në burgjet e Maqedonisë, transmetuar nga media vendore dhe europiane, madje edhe ndërkombëtare, rezulton se në burgjet me të burgosur ordiner, por edhe të dyshuar se mund të jenë të burgosur politikisht, kushtet janë të rënda dhe se forca e dhuna dominon.

Edhe Maqedonia gjatë viteve të udhëheqjes së Gruevskit ka qenë dhunë, ka pasur gjak e përplasje, deri në kulmimin e ngjarjeve të 27 prillit në parlamentin maqedonas, duke e sjellë bash dhunën në Kuvend, duke e ngritur si simbol të madh të këtij pushteti të frikshëm. Maqedonia gjatë atyre viteve që në pushtet ka qenë Gruevski, ka qenë e ftohtë, po e njëjta, po mërdhihje, po përçarje dhe braktisje, po emigrim dhe mall për shqiptarët, po largime dhe dhunime, e mbi të gjitha një zhytje thuajse totale e popullatës shqiptare sidomos në varfëri, e nga ana tjetër në mënyrë të paturpshme ngritja përpjetë e statujave marrosëse dhe të tmerrshme, që kishin zënë rrënjë në mes të Shkupit, duke dëftuar lemerinë e një vendi që gjen përçarje.

Si për të ilustruar realitetin në Maqedoni, kam qenë edhe vetë, por se një mik andej i quajtur Ahmet Selmani, autor, tregonte se Shkupi veçanërisht ku ai jeton, ngjan si qytet i zi, i pllakosur në trishtim, ndarë më dysh dhe se maqedonasit jetojnë mirë, kurse shqiptarët si mos më keq, shtypur keq e më keq në zi. Ishte po i mendimit se ai vend ngjan si Rripi i Gazës, por jo në Lindjen e Mesme, por në Ballkan.

Gruevski, për fund ngjan njeriu që vetëm ka presionuar pushtet. Kryeministri i fundit i Maqedonisë, përpara Zaev i ka luftuar shqiptarët, ka që thonë se ai i futur në sherre pikërisht shqiptarët me skenarë dhe ngjarje të tmerrshme dhe ku skemat e shërbimeve sekrete ishin të dyshimta, përfshirë edhe shërbimet ruse në shtetin maqedon. Por ky Gruevsk ndihmohet prej tradhtarëve të shqiptarisë, duke u arratisur drejt Hungarisë, teksa më parë kaloi përmes Shqipërisë. Kjo është tradhtia më e madhe, vula në ballë e tradhtisë ndaj shqiptarëve, shqiptarisë dhe kombit tonë liridashës shqiptar.

 

 

 

 

Xhuxhi


dionis xhafa0

Dionis Xhafa

Xhuxhi, që grushtin dhe këpucën e dhunës e kishte më të madh se trupin,
kaloi mes për mes vendit tim, si shigjetë erdhi e u ngul në atdheun tim të dashur,
ata që luftoi ai, korruptimin e vet që e shleu me rrahje ndaj shqiptarësh, nuk e shleu,
por tradhtarët e vendit tim, e shpërblyen, atë, xhuxhin, njeriun me kosë në dorë, i aftë të presë çdokënd që ia zë rrugën drejt marrëzisë.