Hije të së shkuarës


bora1.jpgDionis Xhafa

 

Hije të së shkuarës, po më vërtiten në mendjen time që nga fëmijëria e hershme po,

dhe se e zezë më shkon ndër sy dhe në qiellin e egërsuar që ka o ngjyrë të kaltër si ky univers i lulëzuar,

në vegjëlinë time pashë djem që vdesin 14 vjeç nga sëmundje e rëndë e turbekulozit dhe fëmijët në lagjen e varfër që bukën e hanin me ujë dhe sheqer, kurse nga ana tjetër të pasur që fitonin me krime,

hije të së shkuarës jo mos më kujtoni, vdiseni kujtimin tim, më vdisni mua bashkë me ju në një varr të madh sa piramidat e Egjiptit.

 

 

Advertisements

Më mjafton të jesh e lumtur


dionis_xhafa.jpg

Dionis Xhafa

 

E bukura ime, trëndafili im, një bukuri e frikshme je, një trishtim i bukur, bashkë e nisëm dhe s’e mbaruam,

se jeta është e rëndë, ndoshta shpeshherë një lot i madh është dhe ne përfundojmë me ata që nuk duam, e është kaq e rëndë, trëndafili im, që bashkë familje mos të kemi, as varret bashkë ngjitur dhe ngjitur, trëndafil,

ti do të ikësh edhe pse flas me ty dhe thua se më e lumtur je pa mua se me mua, ndjej se jam kaq i trishtuar, sikur gjak kam poshtë këmbëve të mia, zemra nga vendi më ka dalë,

e unë të dua deri në pafundësi, sa loti i madh që është kjo jetë, unë të dua, e më mjafton të jesh e lumtur, trëndafili im.

 

Zemra ime


Dionis Xhafa

 

Zemra ime është e shtrydhur si shfungjer dhe si limon, është bërë ujë e ujëvarë, e kanë goditur me shkelma, me helmeta dhe me darë, sëpatë e me çekan, zemrën time.

A ju armiqtë e zemrës sime, mos pafshi ditë të bardhë. Ju rrjeptë gjak i pastër i zemrës sime, ju tradhëtorë zemërzinj.

 

 

 

Dimër


Dionis Xhafa

Është ftohtë jashtë, dimër bën, cigarja vetëm e ndez trupin e ndezur dhe të kallur,
është ngricë, borë dhe shi.

Ka ardhur dimri, si putër ariu la shenjë në zemrën time, sfinksi-djall u fsheh nën kajsitë e lagura, dimri është i ashpër por më i sinqertë në ashpërsinë e vet,
e kështu dimri e varrosi vjeshtën e ankthshme.

Falje


Falje

Dionis Xhafa

 

Ju kërkoj falje, po falje miqtë e mi, unë ju kërkoj sot falje, për dashurinë e pushpurisur që më tronditi dhe u cmenda prej saj, falje,

dashurinë ta gjykosh me gjyq qenka e rëndë, por unë prapë dua të kërkoj falje, megjithëse dashurinë mbi të gjitha e vlerësoj,

unë prape dashurisë do ia kushtoj këtë jeten time, zemrën do ta caj dhe jetë e shpresa do të jap, përplot me dashuri,

le të më gjykojnë, në gjyq dhe në burg le të më cojnë po të duan ata, demonët e dashurisë, në shtyllë le të më varin, unë dashuri do të jap, gjatë tërë jatës sime, por prapë, ju lutem, falmëni!

Një turk në Napoli


dionis_xhafa1

 

Dionis Xhafa

 

Një turk të vjetër pashë në Napoli, në periferitë e tij, teksa zbrisja nga stacioni  autobusit, i atyre autobusëve që ishin për emigrantët, kaq të lodhur,

ishte turk i lodhur shumë, i këputur dukej, shtresë e fundit, në mos më në fund nuk kishte se ku të shkonte, kaq keq ishte dhe vjetëruar,

më mbeti në mendje fytyrë e turkut, kjo për shkak se shpesh më ngjasonte si fytyrë turku e ushtarëve të Perandorisë Osmane që turreshin në Europë, në shekullin e XV,

e sa duket kohët kthehen, ndërsa fuqi dikur kishte Perandoria e Madhe, sot fuqi ka Europa, që lirinë ta siguron, por është liri në fund të kazermës, në një cep apo garzonjere të Napolit.

 

Kazerta, vend i mbushur me emigrantë që verës së flaktë ikin në det dhe bëjnë plazh ata, pa cadër, më kot, si njerëz që kanë përfunduar në periferi të errët,

një Napoli, një vend në zemër të Europës, por se në cepët e tij janë njerëz si mortje, si kocka të gjalla dhe më mirë me siguri vdekur sesa gjallë dhe ashtu,

emigrimi kaq i rëndë, punë e madhe dhe para e paktë, një lëkundje në horizonte të errët, ajo qytezë, ai vend, ajo erë e detit të paanë, mbushur me mbeturina,

dhe në erën e ftohtë të natës në Napoli ndihet forcë e madhe e lodhjes së tepert të ditës, nata e varros ditën dhe dita varros natën, në një varrosje të përhershme.

 

Thirrje në errësirë


dionis_xhafa5.jpg

Dionis Xhafa

 

O Zot unë e kam një thirrje në errësirë për të gjitha kohët dhe për të gjithë njerëzit, sido të shkojnë gjërat në fillime jetësore,

O zot, të drejtëve jepu drejtësi dhe jetë të mirë, kurse të padrejtëve si kjo që po shoh unë tani, errësirë.