Tërmeti shkatërrimtar në Turqi. Rritet numri i të vdekurve, ja çfarë po ndodh në qytetin Elazig


Të paktën 35 vetë kanë ndërruar jetë, kurse 1607 të tjerë janë plagosur pas një tërmeti të fuqishëm me magnitudë 6.8 që ra në qytetin Elazig.

Sipas Autoritetit të Turqisë për Menaxhimin e Fatkeqësive dhe Emergjencave (AFAD), 17 njerëz u vranë dhe 654 njerëz u plagosën në Elazığ, provinca e goditur më rëndë. Katër njerëz u vranë dhe 226 njerëz u plagosën në provincën fqinje të Malatya, me dëme më të rënda në rrethin Doğanyol. Dhjetra të tjerë u plagosën gjithashtu në provincat jugore dhe juglindore të Adıyaman, Kahramanmaraş, Dijarbakir, Şanlıurfa dhe Batman.

Numri i të mbijetuarve më vonë arriti në 45, sipas Autoritetit të Turqisë për Menaxhimin e Fatkeqësive dhe Emergjencave (AFAD). Personi i fundit që u shpëtua ishte 65-vjeçari Ayşe Yıldız, i cili u tërhoq nga rrënojat në lagjen Mustafa Paşa të Elazës 19 orë pas tërmetit. Një nga zhvillimet më inkurajuese të ditës, ishte se një grua me emrin “Azize” u tërhoq nga rrënojat në lagjen Mustafapaşa të Elazës 17 orë pas tërmetit.

Miraç Dişli, një djalë 12-vjeçar, i cili u shpëtua 11 orë pas tërmetit, më vonë vdiq në spital. Gjysmëhëna e Kuqe Turke tha në një njoftim në rrjetet sociale se Dişli ishte vullnetar për një projekt vitin e kaluar. Babai dhe nëna e Miraç Disli po marrin trajtim mjekësor, pasi janë plagosur, raportojnë mediat turke dhe ata ndërkombëtare.

Së bashku me Soylu, Ministri i Shëndetësisë Fahrettin Koca dhe Ministri i Mjedisit dhe Zhvillimit Urban Murat Kurum mbërritën në provincë për të ndihmuar në koordinimin e përpjekjeve të shpëtimit dhe ndihmës. Koca tha më herët se 1.031 persona janë sjellë në spitale me lëndime të ndryshme. Rreth 137 pacientë vazhdojnë të marrin trajtim por asnjë nuk mbetet në gjendje kritike, shtoi ai. Tërmeti goditi rrethin e Sivrice në 8:55 pasdite (1755 GMT) në një thellësi prej 6.7 kilometra.

dionis5

Sivrice, një qytet me një popullsi prej rreth 4,000 njerëz, ndodhet në jug të qendrës së qytetit Elazığ në brigjet e Liqenit Hazar. Liqeni është një nga pikat turistike më të njohura në rajon dhe burimi i lumit Tigër. Tërmeti shkaktoi panik midis banorëve të qyteteve të mëdha të Dijarbakir, ıanlıurfa dhe Adıyaman. Nuk u raportuan dëme të mëdha nga rajoni. Sipas raporteve fillestare, tërmeti u ndje në provincat deri në Adana jugore dhe Samsunin verior, së bashku me Sirinë veriore dhe Irakun. Mediat lokale në Liban thanë se qytetet e Beirutit dhe Tripolit gjithashtu ndjenë tërmetin. Po ashtu, tërmeti është ndjerë edhe në Izrael.

Presidenti Rexhep Tajip Erdogan ka thënë se qeveria po merr të gjitha hapat për të ofruar ndihmë ndaj njerëzve pas tërmetit. Ne qëndrojmë pranë njerëzve tanë”, tha Erdogan të Premten në Tëitter. Presidenti anuloi pjesëmarrjen e tij të planifikuar në Asamblenë e 33-të të përgjithshme dhe ceremoninë e ndarjes së Bordit të Marrëdhënieve Ekonomike të Jashtme të Turqisë (DEIK) në Lıtfi Kırdar Konventën Ndërkombëtare dhe Qendrën Ekspozita në Stamboll për të Shtunën. Erdogan më vonë mbërriti në Elazığ, ku mori pjesë në funeralin e një nëne dhe një djali që humbën jetën në tërmet. /Dionis Xhafa/ BW/

 

 

Tërmeti


Zombiet


Dionis Xhafa

 

Populli im mbushur është me zombie, që shpëtimin e gjejnë tek rrugët e vështira e të bardha,

udhëtojnë nëpër dete e shkretëtira, ndër udhë të njohura e të panjohura,

me vuajtjet që iu rëndojnë mbi supet e rënda të tyre, në punët e mëdha jashtë atdheut,

nëpër dhomët e largëta gjendet tragjedia e jehontë e një kombi të ri në moshë, që gëlon mërzi e gëzim.

 

E lënë pas nënat, motrat, vëllezërit, familjen të mbajnë duhet duart të bëjnë kallo,

fytyrat e zeza të asaj pjese punëtore që janë pesha që mbajnë në këmbë këtë komb të lashtë në këtë kontinent,

e kështu shkojnë dorë më dorë, mbajnë në besë të tyrit njerëz, ata që janë të ndershëm e njerëzishëm,

e kështu krijohet një yjësi, galaktikë e univers që vëlon si fishekzjarre zombie e modernitetit.

 

 

 

Qyteti pranë Adriatikut


dionis xhafa1

Dionis Xhafa

 

Drini ynë i gjatë sa të gjitha lumenjtë që kalojnë në tokat arbërore,

kalon edhe këndej, ku njerëzia mban fenë e të krishterëve, të perëndinë që u kryqëzua për njerëzinë,

por njerëzit këtej janë disi të egër, ata me kryq rrinë nëpër qafë, ndërsa të tjerë mbajnë edhe mustaqe,

një qytet ku përzihet malësia me modernitetin, pasi ka traditë, hasmëri, por edhe ikje të largëta, deri në Amerikë.

 

I çuditshëm qyteti i veriut, ku kërkohen male, por më shumë ka lumë dhe det,

jetohet jeta mes normalitetit e çmendurisë, mes lirisë e krimit, mes vendlindjes dhe turra-vrapit,

e këtu zhvillohet gjithsesi jeta, dikush lind e dikush vdes, në rrugica ka dhe nuk ka jetë,

kurse në njërën banesë private në qytet, në tabelë shkruhet “shitet shtëpia”.

 

 

 

Tradhëtorëve


dionis xhafa2

Dionis Xhafa

 

Vendi i puthadorëve sigurisht do të jetë edhe i tradhëtorëve,

e tradhtia në këtë dhe është bërë kaq model sa rëndë ta thuash,

që vendi i shqipeve, besën tepër e ka thyer, sikur ha kamcika buke dhe bën thërrime,

e të duash të ikësh nga vendi yt, do, do, sepse e sheh përditë e më shumë se shpresa venitet e besa thyhet o thyhet!..

 

Dimër pse nuk pranverohesh?


Dionis Xhafa

 

Miq, shok po bën ftohtë jashtë, ooo sa ftohtë, akull fare, pse kështu,

dimër është, ka dëborë dhe vjen një zë egërsire nga pylli për andej,

si ujq e kafshë të prapa bëjnë të gjithë banorët e këtij vendi të shkretë dhe me errësirë,

stina më e ftohtë bën tani dhe trupi ka morniza ftohtësie, si ndër akujt e Antraktidës.

 

Pse more dimër mban kështu, kaq ftohtë përherë dhe nuk e lë diellin të ndriçojë?

pse vetëm mot i zi, pse vetëm zezonjë, të këqija që na rrethojnë, gjyma e tymra,

ç’është ky ambient kaq i skëterrë kështu, përse duhet të jetë vallë? Jo dimër ik, ik e shporru

dhe vendin lërua luleve, diellit, detit, lumenjve, gjithçkaje pozitive në këtë vend, ik ndrysho e PRANVEROHU. Dimër, pranverohuuu!

received_434935557241044

 

 

“Shqiponja e zezë”, arrestohen italianë e shqiptarë për përfshirje në organizatë kriminale. Si bëhej transporti i kokainës në sheshet e Romës


Policia italiane ka përfunduar me sukses operacionin e koduar “Shqiponja e zezë 2018”. Në lidhje me këtë operacion, policia e Italisë ka arrestuar katër italianë nga Roma dhe një shqiptar. Ndaj tyre, gjykata e Romës kishte lëshuar urdhrin e arrestit me burg.

Të arrestuarit akuzohen për shoqatë të armatosur që synon trafikun ndërkombëtar të lëndëve narkotike, mbajtja e armëve të paligjshme dhe posedim i mallrave të vjedhura. Në pranga përfunduan italianët Fabrizio Borghi, Fabrizio Fabietti, Christian Testo, Luciano Russo dhe Alvaro Vyshka, shkruajnë mediat e vendit fqinj.

Pesë personat e arrestuar ishin pjesë e një organizate kriminale të armatosur të përkushtuar për importin dhe shpërndarjen vijuese të sasive të mëdha të kokainës. Drogës u mblodh në Holandë dhe u importua në Itali, ku shitej më pas në tregjet e drogës. Poseduesit kishin në përdorim edhe makina, me të cilat bënin trafikun e lëndëve narkotike.

Në kuadër të të njëjtit operacion, më herët ishin arrestuar edhe persona të tjerë nëntë gjithsej, shqiptarë e italianë. Konkretisht, pas arrestimit të kreut të organizatës në Itali, Lulzim Daiu, një nga bashkëpunëtorët e tij të ngushtë, Artan Monari, me bashkëpunimin e Alvaro Vyshkës, kishte marrë përsipër kryerjen e aktiviteteve të paligjshme duke pasur kontakt me furnizuesit e Daiut në Holandë dhe kryheshin importe të shumta të kokainës që u shiteshin blerësve italianë, katër romakëve të arrestuar, të cilët e shisnin atë në sheshet e tregtimit të drogave të Tor Bella Monaca dhe San Basilio.

Droga u mor direkt në Holandë në Roterdam nga korrierët e besuar, të cilët përdornin edhe makina tepër të shtrenjta. Organizata kishte një flotë shumë të efektshme të makinave të modifikuara sipas sasisë së lëndës narkotike që do të transportohej. Po ashtu, organizata përdorte edhe furgonë, me anë të së cilëve bëhej transporti i drogave dhe armëve.  Grupi dyshohet se kishte lidhje edhe me grupe të tjera në Spanjë e Kolumbi. Është provuar se kjo organizatë e përbërë nga shqiptarë e italianë kishte lidhje me një organizatë të transportit të drogës nga Kolumbia.

Hetimet e mëvonshme nxorën në dritë disa emra të organizatës në Itali, të cilët transportonin drogëra të forta në sheshet e Romës. Personat përgjegjës për transportin ishin Artan Monari, Alvaro Vyshka, si dhe italianët Fabrizio Borghi, Fabrizio Fabietti, Christian Testo, Luciano Russo. Këta persona, gjatë periudhës shtator – nëntor 2018 kanë transportuar më së paku 85 kilogramë lëndë narkotike, kryesisht kokainë. Tashmë organizata është shpërbërë dhe anëtarët e saj janë duke u përgjigjur para drejtësisë.

Dionis Xhafa, BW

dionis xhafa1