Mafia italiane shtrin aktivitetin jashtë vendit, policia europiane e papërgatitur


 

Anëtarët e mafies italiane duket se po udhëtojnë jashtë, jo domosdoshmërisht për dëshirë, por edhe për aktivitetet e tyre, në kërkim të fitimit të parave. Dhe dëmi që ata po bëjnë ndaj ekonomive evropiane shpesh nënvleftësohet, minimizohet ose injorohet.

Grupet e krimit të organizuar janë të mirë në shfrytëzimin e mundësive të biznesit larg shtetit të tyre. Kompanitë e krijuara për qëllime të pastrimit të parave shtrembërojnë ekonomitë evropiane, sepse rrjedha konstante e tyre parashikon një avantazh të padrejtë në treg. Në Londër ka dyshime se shumë dyqane dhe biznese të tjera janë ngritur prej krimit të organizuar dhe pastrohen paratë në ta. Ish-anëtarë të mafies napolitane janë shprehur shpesh: “Kënaqësia më e madhe për ne është të mos rrimë këtu, por të ikim jashtë shtetit, në veçanti në Angli”.  Anglia është një vend i mirë për ta, sepse është një shtet ku mund të krijosh para dhe se është vend ku nuk ka një ligj për të përcaktuar si krim për: “anëtarësim në shoqatë mafioze ose kriminale”.

Megjithatë, zyrtarët në Angli po duan ta luftojnë mafien. Në dhjetor 2018, qindra policë holandezë, gjermanë, belgë dhe italianë arrestuan dhjetëra anëtarë të mafias së fuqishme kalabreze. Ndragheta njihet aktualisht si ndër shoqëritë mafioze më të përparuara në Itali, me aktivitet kryesisht në trafik droge dhe se të tillë veprimtari e zhvillon edhe jashtë vendit, sidomos në Europë. Ata gjithashtu kapën sasi të mëdha të drogës dhe parave të gatshme nga vende, duke përfshirë restorantet italiane dhe sallat e akulloreve.

Por a po ndodh luftimi i mafies shumë vonë? Duke nisur nga vitet 1990, ka pasur paralajmërime të zymta për dëmin që mafiet italiane mund të shkaktojnë në vende europiane, duke shfrytëzuar mundësitë që i proklamon globalizmi. Në 1991, policia britanike me qendër në Romë paralajmëroi për praninë e mafias italiane në Britani të Madhe. Dy vjet më vonë, parlamenti francez raportoi për luftën kundër përpjekjes së mafias për t’i depërtuar nga Franca. Paralajmërime të ngjashme po bëheshin në Holandë.

Në vitin 2012, Parlamenti Europian e konsideroi situatën vërtetë problematike. Vitin pasues, Europol (Agjencia e Bashkimit Evropian për Bashkëpunimin e Zbatimit të Ligjit) më në fund publikoi një “Vlerësim të Kërcënimit të Krimit të Organizuar në Itali”. Ajo u përpoq të mbushë “hendekun e rëndësishëm të informacionit” që ekziston rreth aktiviteteve të mafias italiane në Evropë. Siç vuri në dukje vetë Europol, “vështirësia në mbledhjen e informacionit” thekson faktin se mafiat veprojnë “nën radarë” jashtë Italisë. Së fundmi, në nëntor të vitit 2018, Europol krijoi një rrjet operacional specifik që fokusonte aktivitetet mafioze italiane jashtë vendit, ndërsa Policia Italiane Anti-mafioze luajti rol udhëheqës.

Ky është një hap i rëndësishëm në luftën kundër krimit të organizuar italian. Por vlen të përmendet se ky ishte një hap i drejtuar kryesisht nga agjencitë italiane të zbatimit të ligjit.

Mafia lëviz

Tani agjencitë e zbatimit të ligjit europian duhet të zhvillojnë një proces më të përparuar në drejtim të goditjes së mafies. Parlamenti Evropian dhe Europol mbeten të kufizuara dhe të izoluara nëse shumica e anëtarëve të tyre ende nuk pranojnë të angazhohen me problemin.  Detyra e tyre është që të monitorojnë mafiozët jo vetëm brenda Italisë, por edhe jashtë shtetit italian.

Një prokuror italian tha: “Detyra ime është të hetoj atë që bën mafia në Itali dhe nuk mund të hetoj se çfarë aktiviteti bën mafia jashtë shtetit italian. Unë mund të referoj aktivitetin e një mafiozi të dyshuar, por vetëm kaq. Nëse kolegët e mi europianë nuk duan ta ndjekin atë mafioz të dyshuar, atëherë nuk kam çfarë të bëj më tutje”. Këtu kemi të bëjmë me një mafie të fortë, e cila imponohet ndër të tjera në ekonomi të Italisë dhe Europës.

Ndërsa grupet kriminale udhëtojnë dhe eksportojnë aktivitetet jashtë vendit, duhet të ketë fleksibilitet rreth policisë. Grupet e krimit të organizuar lulëzojnë ndërsa kufijtë sa vijnë dhe bëhen më të padukshëm, teksa edhe bashkëpunimi ndërkombëtar sa vjen dhe dobësohet. Punët bëhen të ngatërruar në procedurat burokratike dhe keqkuptimet kulturore. Sisteme të ndryshme ligjore duhet të punojnë së bashku për të shmangur situatat ku kriminelët mund të dënohen në një vend por të shkojnë pa pagesë në një tjetër.

Ne gjithashtu duhet të adresojmë mungesën e vullnetit politik për të luftuar krimin e organizuar dhe aktivitetet mafioze. Politikanët evropianë angazhohen dhe përpiqen të mposhtin terrorizmin, por sa i përket mafias italiane dhe krimit të organizuar, dhe aftësia e tyre për të infiltruar ekonomitë ligjore dhe për të pastruar të ardhurat e tyre nga krimi, sidomos nga droga, është e madhe. Arrestimet e fundit të anëtarëve të Ndrangheta në të gjithë Evropën mund të shihen si një hap konkret përpara. Por ajo gjithashtu thekson se sa larg jemi prapa në drejtim të kuptimit dhe zhvillimit të një strategjie të koordinuar evropiane për të ndjekur paratë italiane të mafias.

Shqipëruar nga “Shekulli”, marrë nga “The Conversation”

 Dionis Xhafa

 

 

 

Advertisements

Mundime dhe enderrine (shkruar nga celulari)


dionis xhafa1

Dionis Xhafa

Toka eshte me mundime,

qielli lart ka enderrime,

nder harresa, plot kujtime,

jeta ime, bota ime.

 

Dhe mundimi nxjerr mesim,

eshte kripe djerse te thate,

mendja ecen fluturim,

rrokulliset glob dhe harte.

 

Enderrimi zgjon njerine,

neper kopshte, trendafila,

cel lule, minon merine,

si dallendyshe deshiron liri.

 

…se jete ime, bote e ime,

ka mundime, enderrime.

 

 

 

 

Tokë dhe qiell


dionis xhafa1

Dionis Xhafa

 

Kur tokën e besova, shumë u pendova, sa vuajta tërë vitin,

e nëse merrem me dheun, sërish do të ankohem sa do të iki tutje, nën nëntokë,

kur të vërtetat janë të errëta, por zbardhuar dalin në sipërfaqe, si ajsbergu që zhytet në ujëra,

që shpërthen një ditë, e toka është rëndesë e madhe, është trup që dhemb në zemrat tona përditë.

 

Andaj, në fundin e vitit zgjedh qiellin, se yjet lart me siguri më pak mëkate kanë, sigurisht,

lart mundesh të jesh rehat, lehtë mund të ëndërrosh e të vëzhgosh si vuajnë njerëzia përditë,

në ata yje do lundrosh, si në varkë me ujë të paturbulluar, por të qetë e çdo gjë ecën më mirë s’ka,

sa do lumturohem atëherë, se larg e kam tokën mëkatare, të njerëzve, por ndoshta sërish do më akuzojnë: “Tradhtar i mundimeve njerëzore!”.

 

 

 

Kur ëndrrat rinore të shndërrohen në makth


Dionis Xhafa

 

Po u thyeva si student, në çështje personale dhe më tutje, edhe profesionale. Një besë e thyer, një fjalë e pambajtur që më rrëzoi përtokë, për të vazhduar një “jetë të dytë”, prej pabesisë, që edhe këmbët i ka si të gjarpërit, të frikshme dhe të padukshme. Vetëm kaq mund të dëftoj për atë që ishte fillimisht tmerr dhe të luhet me zemër rinie, jo nuk bën ta vazhdoj. Ndërsa edhe padrejtësia vihet re përditë në periudhën që je student. E sheh vetë si të përplaset, kur ka pedagoge (një më rastisi) që nga inati i verbër bën të tmerrshmen, të zhyt si mos më keq, të mbyt që të mos ngrihesh më. Kot, sepse ashtu ka smirë, për çështje hesapesh, ose thjesht nuk të ka qejf.

Nuk të ka qejf dhe qëron hesape një i rritur me dikë që ka ëndrra, që është i ri dhe do diplomë e të largohet prej dorës tënde. Interesa të pista që hynkeni në këtë moshë ku nuk ka më idealizma, fatkeqësisht dhe njerëzit, ndryshe nga mua, nuk mendonkan me zemër, por me interesa dhe llogari të rënda, që s’kanë të bëjnë as me ndjesi, as harmomi, as dashuri. Të tmerrshëm janë njerëzit, hakmarrës dhe të pabesë fort. Unë e pësova thyerjen. Kur dikush më tregoi sesi thyheshin përditë studentët në Republikën time, jo vetëm me nepotizëm siç isha vetë, por edhe me korruptim të drejtpërdrejtë dhe të tërthortë, atëherë kuptova se jetoj në një vend inatesh, që ka kapluar çdo kapilar, ku nuk të lënë të ngresh krye jo, të gjithë me maska dhe të të hakmerret me zemër të ligë edhe vetë mësuesja, kjo është vërtetë e tmerrshme, se fuqi nuk ke.

Një thyerje e rëndë, një rini që po e vdesin, një plumb që bie në zemër, përditë, mbi moshën më të bukur të vendit tim. Falmë rini, falmë, se ky vend jo nuk është për këtë moshë, aq të bukur, aq të dëshiruar prej të gjithëve, por kaq ferr e makth na e bëjnë, përditë.

D.Xh, 12 dhjetor 2018

 

Kush është Cherif Chekatt, gjithçka që duhet të dini për terroristin e Strasburgut


dionis xhafa1.jpg

 

Quhet Cherif Chekatt dhe dyshohet si terroristi në Tregun e Krishtlindjeve në Strasburg. Ai ka dyshime se është vrasësi i 3 personave dhe se ka plagosur 13 të tjerë, 6 prej të cilëve janë në gjendje të rëndë për jetën. Chekatt tashmë është në arrati dhe se mbi 700 forca policore të sigurisë janë vendosur në kërkim të tij. Chekatt është element i njohur për policinë franceze, madje me precedentë të rrezikshëm kriminalë. Ai ka qenë në burg për grabitje të armatosur dhe besohet gjithashtu se ka qenë i radikalizuar po në qeli.

29-vjeçari Cherif Chekatt ka qenë në listën e terroristëve potencial të Francës, renditur me gërmën “S”. Ai ka qenë në këtë listë nga viti 2015 dhe prej autoriteteve konsiderohej rrezik potencial për të qenë një “xhihadist i së ardhmes”. Chekatt ka lindur në Strasburg të Francës, ka jo pak por 27 precedentë penalë në Francë, Gjermani dhe Zvicër. Të gjitha procedimet penale i ka me emrin e tij.  Në vitin 2016, ai u lirua nga burgu në Gjermani dhe, para sulmit në natën e së martës, kërkohej në lidhje me një vrasje në tentativë dhe një grabitje të armatosur, sipas një burimi afër hetimit.

Të martën në mëngjes, policia ka bastisur shtëpinë e Chekatt dhe ka arritur të gjejë granata, 22 armë zjarri dhe 2 thika gjuetie, por atë vetë nuk e gjetën dhe as e kapën. Por 5 bashkëpunëtorë të Chekatt janë ndaluar prej forcave policore. Një burim ka thënë se i riu tanimë ka qenë i lidhur me krimin dhe ka kryer krime që në kohën që ka qenë adoleshent. Në vitin 2011 ai u burgos për gjashtë muaj për sulmin ndaj një të riu me një shishe të thyer dhe përfundoi dënimin e tij të fundit në Francë në fund të vitit 2015, rreth të njëjtës kohë me sulmet e 13 nëntorit në Paris që lanë 130 të vdekur. Ai ka rënë prapë në burg në Gjermani, për grabitjen e një klinike dentare dhe të një farmacie, dhe u deportua në Francë vitin e kaluar pas përfundimit të dënimit të tij.

Motivi i dyshuar për të shtënat në natën e së martës është terrorizmi. “Terrorizmi përsëri ka goditur tokën tonë,” tha z. Heitz në një konferencë shtypi të mërkurën, duke vënë në dukje se dëshmitarët dëgjuan zhurmën e njohur “Allahu Akbar” gjatë sulmit. Laurent Nunez, ministri i ri i brendshëm, tha: “Individi duket se është radikalizuar në praktikat e tij fetare gjatë kushteve të tij të burgimit.” Prokurorët e specializuar anti-terroristë janë përgjegjës për hetimin.Në burg, i dyshuari u bë i njohur për dhunën dhe përpjekjet e përsëritura për të kthyer të burgosurit në një formë radikale të Islamit. Para sulmit në Strasburg, ai u konsiderua si një i dyshuar jashtëzakonisht i rrezikshëm, thanë burimet e inteligjencës. DGSI i Francës, shërbimi i inteligjencës vendase, e vendosi atë nën mbikëqyrje “aktive” pas lirimit të tij nga një burg francez në 2015, tha zoti Nunez.

Ai është rritur në Strasburg bashkë me 6 vëllezër dhe motra, në një shtëpi me shumë fëmijë. Pasi ishte larguar nga shkolla, ai kishte punuar për pak kohë për autoritetet lokale, deri më 2011. Pas këtij viti, terroristi i dyshuar i ka hyrë rrugës së krimit. Hetuesit po përpiqen të përcaktojnë nëse z. Chekatt udhëtoi në Siri ose Irak për t’u bashkuar me një grup islamik, ose nëse ai ishte radikalizuar tërësisht në Francë, sipas burimeve të afërta me rastin.

Dionis Xhafa

Goditet Strasburgu, vritet 1 person, plagosen disa të tjerë


Përgjaket Europa. Një sulm u regjistrua në Strasburg, duke lënë të vdekur 1 person dhe 9 të tjerë janë plagosur. Të shtënat janë regjistruar në Tregun e Krishtlindjeve në qytet, vend që vizitohet nga miliona turistë për çdo vit, tha një burim nga forcat franceze të sigurisë.

Policia tha se i dyshuari është akoma në arrati. Ministria e Brendshme e Francës u shpreh se njerëzit duhet të qëndrojnë në vende të mbyllura. Ndërtesa e Parlamentit Evropian në Strasburg, i cili ndodhet 3.4 km nga Pallati Kleber, ku ndodhi incidenti me të shtëna sot, u bllokua nga forcat policore.

Reagime dhe gjendje e tensionuar

Tashmë që incidenti me armë ndodhi, rrugët janë pastruar dhe njerëzit po mbahen nën kontroll, pasi ngjarja është akoma në vijim e nuk ka siguri për asgjë. Politikania Sinn Féin Martina Anderson, deputete e Parlamentit Europian që përfaqëson Irlandën e Veriut ka shkruar: “Unë dhe disa kolegë ishim në qendër të Strasburgut, kur kemi dëgjuar shkrepje armësh. Lutjet e mia shkojnë për viktimën dhe të gjithë të lënduarit”. Strasburgu, si të gjitha qytetet franceze ka qenë në gjendje alarmi të lartë pas sulmeve terroriste të viteve 2015 dhe 2016. Tregjet që tërheqin miliona vizitorë në vit kanë dëshmuar më shumë siguri gjatë kohëve të fundit, por se sërish problemet janë prezente.

Dionis Xhafa, Shekulli

 

 

 

 

 

Rini jam (mbi individualen dhe të përgjithshmen)


Dionis Xhafa

 

Rini jam, dua liri, dua mirëqenie, gjithçka të mirë e dua, një diell mbi kokë, jo hënë dhe errësirë,

të qeshem në dritë të fisshme, pa u detyruar që për të qenë i pasur një ditë të hyjë në udhë të krimit të madh,

ndër tunelet e jetës të ndritem kudo shkel, të mos përkulem përpara madhështisë së pushtetit të frikshëm,

fashizmës së pashpallur, në moshën kur njeriu më shumë ëndërron, në atë lule që duan ta këpusin, jo mua, se rini jam.

 

Rinia kur bëhet zi, bëhet skëterrë, një atdhe i leckosur prej dorëhekurish e bën këtë gjë, një padrejtësi deri në qiell,

thikë hap pas hapi, një turp që ecën dhe ka vetëm tradhti, në udhë të gjatë të një vendi të lodhur prej spiunazhit të frikshëm,

ku dhe hapin në udhë të drejtë s’ta falin, se dheu im është lindje, aty dhe të suksesshmin e pengojnë dhe jo ta udhëzojnë,

siç ndodh në Perëndim, ku një mendimtar shprehet se edhe të paaftin e mësojnë të bëhet i mirë, ndërsa në vendin tim, ka mënxyrë.

 

Rini jam, edhe pse dobësuar, edhe në atë dobësim, vetëm të më rrëzojnë, të më hedhin tutje duan, të më zhdukin,

se moshë e njomë vështirë e ka edhe mbijetesën, kapërthyer me punë të rënda, në udhë të largëta të atdheut dhe kthim e harrim,

mos më godisni se fort goditur prej sistemit jam, kjo rini e flet këtë të vërtetë therrëse, në vuajtjen që përjetohet përditë, në heshtje,

e një ditë duhet të dalë jashtë kjo e vërtetë, kjo thirrje, kjo dëshmi, ky realitet, kjo padrejtësi, që të vret e të ha përditë nga pak.

 

E “ngrënë” jam shumë, në mish të njomë e drejtojnë thikën, bajonetat, mbi mua, mbi ne, rininë e një vendi shpresë pak, kurdoherë,

dhe rrojmë sa për të rrojtur, me një kokë që vërtitet në katër anë për të shpëtuar, për të mbijetuar, për të rrojtur me nder dhe njerëzishëm,

aq shumë rrobet janë të lodhura, e ecim turbullt në natë të errët, pa yje dhe shpresë, pa diell e xixa, pa qiell, pa lumturi, pa harmoni,

e duket se nuk gjendet kërrkund ajo ç’ka jam, përfaqësoj vërtetë, por e them edhe kështu, ta dinë si jam (jemi) katandisur: Po, rini jam.