Perendimi i flaket (shkruar nga celulari)

• Makina si dy drita xixellonjash,
• perendimi i flakte na therret tutje,
• ecim si vagonet e vjeter me ngadalesi olimpike,
• ne halle, shqetesime, marrira e perhumbje.

Vendi yne demonstrim i esese se Kamyse per Sizifin,

me gure mbi shpine e cajme historine,

kaq e veshtire rruga e lumturimit,

te ashpra stuhite qe te cojne ne lavdi.

Ne shtizat skenderbejane mbahet shprese e nje kombi,

qe shpojne qiellin e Europes, nen deshmine e lashtesise,

shpellat e lashta qe mbeten te palekundura, me guret gjuajme njeri-tjetrin deri ne rrezim,

perendimi i flaket e i kuq ndoshta na verbon.

Nuk mund te ecesh me shpejtesi (Frymezim casti)

Nuk mund te ecesh me shpejtesi, mes baltes dhe zhurmes se madhe te rruges,

ku makinat iu bien borive pa fund, sekush ne shpresen e vet per te ecur me shpejt,

teksa papritur te shfaqet motocikleta, bicikleta, kalimtari,

dhe devijon si i marre ne rrugen ku po erresohet, por ca drita te dobeta ende funksionojne

dhe shiu lag rrugen sikur te ishte rreke a ujevare.

Humbur mes te gjitheve dhe askujt, qyteti i fjetur zgjohet sonambel,

ndokush me shpresa e dikush me pesimizem artistik,

se ne vendin me endrren e shpuar, e bere cope e cike,

nuk mund te ecesh me shpejtesi. (Dionis Xhafa, shkruar nga celulari).

Shpresa e fundit vdes

Të mocmit rrallë gabojnë,

se gdhendën mësimet e jetës,

të parët tanë na mësojnë,

të zgjedhim të mirën apo të keqen.

Ndër ëndrrallat e jetës,

ndër ata të trazuara, ku nuk mund të flesh,

ku lulet vyshken e ngelen pa vesën,

ngushëllimet tek shpresa gjen.

Dhe stuhitë mund të ndalen,

edhe shiu plot rebesh,

edhe yjet hedhin vallen,

në galaltika sipër nesh.

Në humnera krejt i humbur,

dhe mbi fushat plot me vesë,

pulsi i zemrës a jeta e lumtur,

do të jetë, sa kohë shpresa e fundit vdes. (Dionis Xhafa)

Kuq e zi 2024

Dionis Xhafa

Erdhi viti i Ri 2024, me i riu mes nesh,

i kuq dhe me fishekzjarre, qielli mbushur me qirinj e pema Krishtlindjesh,

ngjyrat dhe betonet jane ngadhenjimi yne , kullat me yllin qe na cojne ne qiell dhe dehemi me ta, defrehemi pa mase, si è kuqja qe te con ne tjeter bote, parajsa te kristalta me miliona.

Por eshte dhe e zeza, si kumar ogurzi, si ngjyre e se keqes, vdekjes dhe marrezise,

qe 3 milione jane duke rreshqitur tek 1, vend i shkretuar, betoni ne zemrat tona, e zeza mbledhur pikez zemre. E kesisoj, kuqezi Shqiperia rrofte! (Shkruar nga celulari).

Flamujt e gjakut

Qyteti është çliruar po duket sonte dhe flamujt në mjete, tunden si flakadanë.

Janë të shpresës me pamje kah Berlini, janë të kombit, gjakut dhe besimit për diell, nën qiellin e Zi.

Përditë flamujt e Kastriotit, mbrojtur nga Jasharajt, valojnë në zemrat tona, kuq e zi, si prush e zjarr.

Flamujt e gjakut të përditshëm, që derdhet si pikla rrugëve të atdheut, në stërmundimet e çdo dite, nga Saranda, në veriun e Kosovës.
Rrokullisemi si Sizifi, gjaku ynë që vlon, ka Olimp, Berlinin. /Dionis Xhafa/

Kosova sot në ditë zie

PRISHTINË – Sot Kosova është në ditë zie, pasi presidentja Vjosa Osmani e shpalli të tillë, për shkak të vrasjes së policit Afrim Bunjaku.

Situata sot paraqitet më e qetë në veri, ku u vra polici shqiptar dhe tre serbët e armatosur. Ndërsa, disa agresorë të tjerë serbë u plagosën e u arrestuan.

Situata në veri e qetë, serbi po merr trajtim në spital

Policia e Kosovës një ditë më parë u sulmua nga një grup i armatosur, teksa një polic u vra dhe dy të tjerë u plagosën. Pas aktit të rëndë terrorist, 30 serbë të armatosur u fshehën në Manastirin e Banjskës. Policia ftoi personat e armatosur që të dorëzohen, por ata vijuan rezistencën.

Efektivët njoftuan se janë vrarë tre agresorë, si dhe ka arritur të arrestojë dy serbë të tjerë. Gjithashtu, në pranga u vunë edhe dy persona, që dyshohet se kanë bashkëpunuar me grupin kriminal.

Një nga serbët e plagosur është dërguar në QKUK dhe gjendja e tij është jashtë rrezikut për jetën. Të dielën, Policia e Kosovës arriti ta marrë nën kontroll Manastirin e Banjskës, ku sekuestroi edhe armatime. Politikanët e Kosovës dënuan ashpër sulmin dhe kërkuan që kriminelët të dalin përpara drejtësisë.

Lajçak flet për sulmin në Kosovë, nuk përmend fjalën ‘terrorizëm’

Ndërmjetësi i BE-së për dialogun mes Kosovës dhe Serbisë Miroslav Lajçak ka shkruar në lidhje me rastin e djeshëm që tronditi opinionin publik, ku një polic i Kosovës u vra dhe një tjetër u plagos.

Lajçak nuk ka përmendur në asnjë rresht fjalën “terrorizëm”, ndërsa bën thirrje vetëm për “parandalimin e dhunës në veri”. Ai tha se akti burracak është jashtëzakonisht shqetësues.

“Sapo u ktheva nga NY këtë mëngjes dhe mora vesh për një sulm ndaj Policisë së Kosovës në veriun e vendit. Një akt i tillë frikacak i dhunës është thellësisht shqetësues dhe në kundërshtim me parimet e paqes e të bashkëpunimit. Zemra ime është me viktimat, familjet, miqtë e kolegët e tyre.

Ky sulm i tmerrshëm thekson dhe më tej domosdoshmërinë e diplomacisë dhe dialogut parandalues, e nënvizuar gjatë javës së kaluar, kur mora pjesë në Javën e Nivelit të Lartë të Asamblesë të Përgjithshme të OKB-së në Nju York”, shkruan Lajçak.

Ai shtoi më tej se ka biseduar këtë çështje edhe në Shtetet e Bashkuara të Amerikës, ku po diskutohet se cila mund të jetë forma më e mirë e një dialogu që do të sillte zgjidhje.

“Në një mënyrë apo tjetër, ne të gjithë theksuam rëndësinë e dialogut dhe bashkëpunimit. Takova gjithashtu gjashtë presidentët nga Ballkani Perëndimor dhe zyrtarë të lartë të OKB-së, për të diskutuar mbi dinamikat rajonale. Borrell organizoi gjithashtu një drekë tradicionale të Ballkanit Perëndimor për të harmonizuar mesazhet tona për këtë javë në skenën globale. Për të gjetur një rrugë përpara në rajon dhe në veçanti në dialog, mbajta diskutime strategjike me partnerët tanë amerikanë”, shkruan më tej Lajçak.

Lajçak vlerëson se ishte e mrekullueshme të ishe në Nju York, por se tanimë do të duhet të kthehet në Bruksel. Ai shtoi se në ditët në vazhdim do përpiqet të gjejë një rrugë sa më të mirë ndërmjetësimi.

Logo e Policisë së Kosovës shfaqet në Times Square

Sulmi terrorist që ndodhi të dielën, ku u vra polici Afrim Bunjaku dhe u plagosën dy efektivë të tjerë, ka bërë që edhe reagimet të jenë të shumta.

Në sheshin qendror të Nju Jorkut, në Times Square është shfaqur logo e Policisë së Kosovës. “Faleminderit heronjve të Policisë së Kosovës”, shkruhet në billboard.

Ndërsa në këtë billboard ishte edhe logo e UÇK-së dhe e FSK-së. Po ashtu, është shkruar edhe “Të vdesësh për atdhe është sikur të rilindësh përsëri”. Këto ishin fjalët e efektivit të vrarë të Policisë së Kosovës, heroit Afrim Bunjaku. /Dionis Xhafa/

Shtëpia me gurë

Dionis Xhafa

Shtëpia me gurë është historia e thjeshtë dhe e ëmbël si shkëmbinj, e lashtë,

e rëndësishme sa Pallati Mbretëror ne Stamboll, si politikë e brendshme e papolitiktë,

por kaq e rëndësishme për të qenë njeri, ndër vërtitjet njerëzore për me qenë më mirë,

si një kalendar që dëfton paraardhësit me fotografi të shumta.

Paraardhësit si dhuratë e lanë, për ata që vijnë më pas,

duke dashur gjakun e vet, qoftë dhe pa njohur atë, si dashuri njerëzore e pakufijshme,

e njerëzia gëlon, jetën vazhdon, ikën larg, si ujë që rrjedh,

me gurët që dëftojnë jetën, gjurmë njerëzore, ecur tashmë  mbi rrugë Europe.

Afrika

Dionis Xhafa

Afrika është në mesin tonë, ulur këmbëkryq,

si pikë e zezë jo në hartë, por që pikon thellë në zemër,

afrikanët mos ndoshta janë paragjykuar shumë,

së tepërmi, po po, së tepërmi.

Angështimi e Tirana janë njësh, në sfond disi si gri,

frika jo pak ekziston, në mesin e tyre, mesin tonë, kudo,

rregëtin zemër e pastër dhe e re, që ikën si valë e re,

ikje nga sytë këmbët, nga atdheu i angështuar,

këputja e zemra e plogësht, lodhur, se ka po angështim.

Gjak e krom

Dionis Xhafa

Gjak dhe një pikë lot, si mall për ata që janë jashtë e më kujtojnë,

që janë po gjaku im, kjo është jetë e minatorit e kështu flet ai, që teksa e zë tëposhtë kromi,

nuk ka ku të shkojë, i plagosur mbetet, nën qiell të hapur të tragjedive të reja,

në vendin e skamjes që nuk ka kufi, nën pasurinë e madhe të tyre që nuk tundet.

Kërrkund nuk e qasin, shteti as në derë të spitalit, gjallë e përserë nuk e do,

por e dëshiron të sëmurë e me patericë, të lëngojë, të mallkojë veten,

të jetë një hiç, një mizë në tokë, një qenie pa kujdes, pa hiç,

që nuk meriton as titrat për t’u shfaqur, se kjo qënie ekzistoi e dha jetën si hero,

nën rrënimin e ri,

me reklama të kristalta.

Ëndërr

Dionis Xhafa

Ëndrra e mëngjesit është shumë e bukur,

me kulla, kala, diell të kuq, hënë të rrumbullakët,

dhe më pas mbi gjelbërimin e vendit tonë bie vesa,

si nëpër filma vizatimorë, shpresa rritet e lumturia bashkë me të.

E ngadalë dielli më shpon sytë, më zgjon nga ky gjumë i madh që isha zhytur,

duke nisur rutinën time të përditshme, si çdokush në atdheun tonë,

mijëra e mijëra me siguri, që kur nisin të jetojnë në realitet,

aa sa do donin, ëndrra që panë në mëngjes të mos përfundonte.